​सेलचे फलक झळकण्यापूर्वी:​ ​​सणासुदीच्या पैशांचे नियोजन​

धनत्रयोदशीपूर्वी लक्षात ठेवण्याजोग्या गोष्टी, जेणेकरून आपण मनसोक्त सण साजरा करू शकाल आणि उद्दिष्टेही मार्गावर राहतील.

​आठवड्यातल्या एका रात्री 11:40 वाजले आहेत. अनन्याचे तीन टॅब उघडे आहेत: "सणाची नीचांकी किंमत" असलेला एअर फ्रायर, "फक्त 2 शिल्लक" असलेली रेशमी साडी, आणि भावासाठी एक स्मार्टवॉच, ज्याची किंमत वर्षातली सर्वांत कमी असल्याची ग्वाही ॲप देते. मध्यरात्रीपर्यंत तिची कार्ट ₹38,000 वर गेली. तिचा दिवाळी बोनस अजून खात्यातही जमा झालेला नाही.​

​आपल्यापैकी बहुतेक जण किमान एकदा तरी अनन्या झालेले आहोत. सण म्हणजे कुटुंब, दिवे आणि उदारपणा, आणि खर्च हा त्या आनंदाचाच भाग आहे. अडचण तेव्हा सुरू होते, जेव्हा मोसमातील खर्च पुढील वर्षाच्या उद्दिष्टांचा वाटा ​

​यंदा धनत्रयोदशी शुक्रवार, 6 नोव्हेंबरला आणि दिवाळी रविवार, 8 नोव्हेंबरला आहे. म्हणजे खरेदीचे सर्वांत मोठे दिवस येण्यापूर्वी नियोजन करायला सुमारे एक आठवडा हाती आहे.​

1. सणाच्या प्रत्येक रुपयाला काम द्या

एकच "सणाचे बजेट" सहज ओलांडले जाते, कारण सगळेच खर्च त्यात असतात. म्हणून काहीही खरेदी करण्यापूर्वी त्याचे चार बटव्यांत विभाजन करा: उत्सव (मिठाई, सजावट, बाहेर फिरणे), भेट (कुटुंब आणि मित्र), गुंतवणूक (आपली उद्दिष्टे) आणि राखीव (दिवे मालवल्यानंतर येणारी बिले).

पैशाला दिलेल्या नावाला आपल्याला वाटते त्याहून अधिक महत्त्व असते. दिवाळी बोनस किंवा नातेवाइकांकडून मिळालेली रोख भेट “जादा” पैसा वाटू शकते आणि आवेगाने केलेल्या खरेदीत संपू शकते, तर पगारातील तीच रक्कम आपण कितीतरी अधिक काळजीपूर्वक खर्च केली असती. प्रत्येक रुपयाला एक बटवा दिल्याने हीच प्रवृत्ती आपल्या फायद्यासाठी काम करते: एकदा पैसे 'गुंतवणूक' बटव्यात ठेवले की ते आपल्या भविष्याचेच वाटू लागतात, आणि ते फ्लॅश सेलच्या कार्टमध्ये जाण्याची शक्यता खूपच कमी होते.

2. वस्तू 48 तास कार्टमध्येच ठेवा

उलटगणतीचे घड्याळ आणि "फक्त 2 शिल्लक" असे बिल्ले आपल्याला काही सेकंदांत निर्णय घ्यायला लावण्यासाठीच बनवलेले असतात. हा डाव उलटवा: वस्तू कार्टमध्ये टाका आणि 48 तासांनी परत या.

तरीही ती हवी असेल आणि तिच्या बटव्यात बसत असेल, तर अपराधीपणा न बाळगता खरेदी करा. इच्छा ओसरली असेल, तर आपण पैसे आणि कपाटातील जागा दोन्ही वाचवले आहेत. सणाच्या आठवड्यात खरेदीच्या ॲप्सच्या सूचना बंद केल्यास हे खूप सोपे होते.

3. "विनाखर्च EMI" दोनदा वाचा

सोपे हप्ते मोठ्या खरेदीला लहान भासवतात, पण बारीक अक्षरातील अटी महत्त्वाच्या असतात. "EMI मध्ये रूपांतरित करा" दाबण्यापूर्वी, तीन गोष्टी तपासा:

• प्रक्रिया शुल्क आहे का, आणि EMI घेण्यासाठी आधी मिळणारी एखादी सवलत सोडावी लागते का?
• आपले सर्व EMI मिळून दरमहा किती होतात, आणि मासिक उत्पन्नाच्या तुलनेत ते किती आहेत?
• क्रेडिट कार्डचे विवरणपत्र आल्यावर, केवळ किमान देय रक्कम नव्हे, तर त्यातील संपूर्ण थकबाकी आपण भरू शकाल का?

शेवटच्या प्रश्नाचे प्रामाणिक उत्तर नाही असे असेल, तर ती खरेदी थांब

4. आपत्कालीन निधीतून सण साजरा करू नका

आपला आपत्कालीन निधी नोकरी गेल्यास, रुग्णालयाचे बिल किंवा अचानक दुरुस्तीसाठी असतो, सेलसाठी नव्हे. तो स्वतंत्र खात्यात, रोजच्या खर्चाच्या कार्डपासून दूर ठेवा.

घरखर्चाचे नेहमीचे पैसेही सणाच्या पैशांपासून वेगळे ठेवा. नाहीतर दिवाळी आनंदात जाईल, पण नंतर नोव्हेंबरचे भाडे, शाळेचे शुल्क आणि EMI भरताना ओढाताण होऊ शकते.

नियोजनामुळे, अनन्याच्या ₹60,000 बोनसमधून दिवाळी आनंदात साजरी होतेच, शिवाय ₹24,000 तिच्या उद्दिष्टांसाठी जातात आणि ₹9,000 सणानंतरच्या बिलांसाठी तयार राहतात.

बोनस जमा झाला त्याच दिवशी, खरेदीचे एकही ॲप उघडण्यापूर्वी, तिने ₹24,000 गुंतवले. एअर फ्रायर 48 तास कार्टमध्ये पडून राहिला आणि हळूच बाहेर पडला. वरील विभागणी केवळ एक उदाहरण आहे; आपले वाटे आपले उत्पन्न, उद्दिष्टे आणि बांधिलकी यांवर अवलंबून असतील.

आपल्या सर्वांत महत्त्वाच्या दीर्घकालीन उद्दिष्टाचा विचार करा. बहुतेकांसाठी ते आनंदी सेवानिवृत्ती असू शकते, जे पुढे ढकलणे सोपे असते. मग सेवानिवृत्ती निधी उभारताना शिस्त कशी आणायची? सेवानिवृत्ती फंड नेमके यासाठीच तयार केलेले आहेत. HDFC Retirement Fund तीन प्लॅन देतो (Equity, Hybrid Equity आणि Hybrid Debt), त्यामुळे आपले वय आणि जोखीम क्षमतेला अनुरूप प्लॅन आपण निवडू शकता. 
अधिक जाणून घेण्यासाठी येथे क्लिक करा!

Views expressed above are indicative and should not be construed as investment advice or as a substitute for financial planning. Due to the personal nature of investments, investors are advised to seek professional advice before investing.

MUTUAL FUND INVESTMENTS ARE SUBJECT TO MARKET RISKS, READ ALL SCHEME RELATED DOCUMENTS CAREFULLY.